ഒന്നിന് പുറകെ ഒന്നായി വിജയ് നായകനാകുന്ന ദളപതി 69 ചിത്രത്തിലെ അഭിനേതാക്കളെ പരിചയപ്പെടുത്തി കൊണ്ടിരിക്കുകയാണ് അണിയറപ്രവർത്തകർ. ഏറ്റവും ഒടുവിൽ പ്രകാശ് രാജ് ചിത്രത്തിന്റെ ഭാഗമാകുമെന്ന് അറിയിച്ചിരിക്കുകയാണ്. സിനിമയുടെ അണിയറപ്രവർത്തകർ തന്നെയാണ് ഇക്കാര്യം സമൂഹ മാധ്യമങ്ങളിലൂടെ അറിയിച്ചത്. ' ദളപതി 69 ന്റെ കുടുംബത്തിലേക്ക് ചെല്ലത്തിന് സ്വാഗതം' എന്നാണ് അണിയറപ്രവർത്തകർ കുറിച്ചിരിക്കുന്നത്.
'തുനിവി'ന് ശേഷം എച്ച് വിനോദ് സംവിധാനം ചെയ്യുന്ന ചെയ്യുന്ന ദളപതി 69 ൽ ബോബി ഡിയോൾ, പൂജ ഹെഗ്‌ഡെ, മമിത ബൈജു, ഗൗതം വാസുദേവ് മേനോൻ, പ്രിയാമണി എന്നിവരും പ്രധാന വേഷങ്ങളിലെത്തുന്നുണ്ട്. സിനിമയിലെ പ്രധാന വില്ലൻ കഥാപാത്രത്തെയാകും ബോബി ഡിയോൾ അവതരിപ്പിക്കുക എന്നാണ് സൂചന.
Happy to ‘OFFICIALLY’ welcome our Chellam @prakashraaj to the #Thalapathy69 family ♥️#Thalapathy69CastReveal#Thalapathy @actorvijay sir @KvnProductions #HVinoth @thedeol @menongautham #Priyamani @itsNarain @hegdepooja #MamithaBaiju @anirudhofficial @Jagadishbliss @LohithNK01 pic.twitter.com/PkDosO5tHH
അതേസമയം ദളപതി 69 ലെ മറ്റു പ്രധാന അഭിനേതാക്കളുടെ വിവരങ്ങൾ അടുത്ത ദിവസങ്ങളിൽ പുറത്തുവിടും. ഈ മാസമാണ് സിനിമയുടെ ചിത്രീകരണം ആരംഭിക്കുക. 2025 ഒക്ടോബറിലാണ് ചിത്രം റിലീസ് ചെയ്യുന്നത്.
അനിരുദ്ധ് ആണ് ചിത്രത്തിന് സംഗീതം നൽകുന്നത്. മുമ്പ് കത്തി, മാസ്റ്റർ, ബീസ്റ്റ്‌, ലിയോ എന്നീ വിജയ് ചിത്രങ്ങൾക്ക് അനിരുദ്ധ് സംഗീതം നൽകിയിരുന്നു. കെ വി എൻ പ്രൊഡക്ഷന്റെ ബാനറിൽ വെങ്കട്ട് കെ നാരായണയാണ് ചിത്രം നിർമ്മിക്കുന്നത്. ജഗദീഷ് പളനിസ്വാമി, ലോഹിത് എൻ കെ എന്നിവരാണ് സിനിമയുടെ സഹനിർമ്മാതാക്കൾ.